Techie IT
१२ मंसीर २०७८, आईतबार

राजतन्त्रको सङ्केत:राजा रहने परम्परा पुन स्वीकार गर्न सकिने मन्त्री श्रेष्ठ


काठमाडौँ ।
शहरी विकास मन्त्री कृष्णगोपाल श्रेष्ठले देशमा राजा रहने परम्परालाई पुनः स्वीकार गर्न सकिने संकेत गरेका छन् । नेकपाको केपी ओली पक्षले नारायणहिटी दरवार अगाडि बृहत जनसभा आयोजना गर्नु दुईदिन अघि श्रेष्ठले यस्तो संकेत गरेका हुन् ।

नेकपा ओली पक्षको वाग्मती प्रदेशले माघ २३ गते राजतन्त्रको आस्थाको केन्द्र मानिने नारायणहिटी दरबारको गेटमै आमसभा गर्न लागेको बेला श्रेष्ठको यो विचार ले झन सङ्कास्पत बनाएको छ । मन्त्री श्रेष्ठले जननेता मदन भण्डारीको चर्चित भाषणको एक अंशको अडियो क्लिपसँगै उक्त जनसभाको प्रचारात्मक पोस्टर सामाजिक सञ्जाल फेसबुकमा सेयर गरेका छन् । उक्त अडियो क्लिपमा भण्डारीले प्रजातन्त्रलाई सर्वशक्तिमान बनाउने ग्यारेन्टी गरे राजा रहने परम्परालाई कायम राख्न सकिने आशय व्यक्त गरेका थिए ।

उक्त आशय व्यक्त गरेको अडियो क्लिपमा भण्डारीले भनेका छन्, ‘मैले के भनेको थिएँ भने राजा रहने परम्परालाई कायम राखेर भए पनि यदि जनतालाई सर्वशक्तिमान बनाउने, प्रजातन्त्रलाई सर्वशक्तिमान बनाउने ग्यारेन्टी गरिन्छ भने त्यो ठूलो आपत्तिको कुरा हुनेछैन । किन ठूलो आपत्तिको कुरा हुने छैन, यसकारणले ठूलो आपत्तिको कुरा हुनेछैन किनभने कुनै पनि मुलुकमा राष्ट्रपति चाहिन्छ ।’


क्याटेगोरी : राजनीति



तपाईको कमेन्ट लेख्नुहोस्