Techie IT
आईतबार, वैशाख ५,२०७८

मिडिया एक्शन नेपालको नयाँ कार्यसमिति


काठमाडौँ ।
अभिव्यक्ति स्वतन्त्रता, मिडिया विकास, सूचना तथा सञ्चार क्षेत्रमा कार्यरत संस्था मिडिया एक्शन नेपालको नयाँ नेतृत्वमा आगामी चार वर्षका लागि सञ्चारविज्ञ लक्ष्मणदत्त पन्त चयन भएका छन् । संस्थाको पाँचौँ वार्षिक साधारणसभा तथा दोस्रो राष्ट्रिय अधिवेशनबाट उपाध्यक्षमा प्रियङ्का झा, सचिवमा आरती शिल्पकार, कोषाध्यक्षमा दीपा केसी तथा सदस्यहरुमा यमबहादुर दुुरा, गणेशप्रसाद घिमिरे र आशिष मिश्र, संयोजकमा प्रदेश १ मा नरेन्द्र ढकाल, प्रदेश २ मा हदिस खुद्दार, वाग्मतीमा मधुसूदन दवाडी, गण्डकीमा सुनिता आचार्य, लुम्बिनीमा सञ्जु पौडेल, कर्णालीमा ललित बुढा र सुदूरपश्चिममा उमाकान्त जोशी चयन भएका छन् ।संस्थाको सल्लाहकारमा वरिष्ठ पत्रकार भारतदत्त कोइराला, धु्रवहरि अधिकारी, माधव शर्मा र नेपाल प्रेस काउन्सिलका पूर्वअध्यक्ष बोर्णबहादुर कार्की रहेका छन् ।

सो अवसरमा आयोजित छलफलमा वरिष्ठ पत्रकार अधिकारीले सञ्चारजगत्प्रति आम नागरिकमा विश्वास जगाउन यस क्षेत्रमा देखिएका कमी कमजोरीलाई सच्याउन आवश्यक रहेको बताए ।राससका अनुसार प्रेस काउन्सिल नेपालका पूर्वअध्यक्ष बोर्णबहादुर कार्कीले पत्रकारिता क्षेत्रमा पछिल्ला समयमा देखिएका विकृति र विसङ्गतिलाई सुुधार्न पत्रकार स्वयं जिम्मेवारी र उत्तरदायित्व हुनुपर्छ भनेका छन् ।

काउन्सिलका प्रमुख कार्यकारी अधिकृत झबिन्द्र भुसालले आचारसंहितालाई आत्मसात् गर्दै मिडियालाई परिपक्व तुुल्याउँदै लैजानुपर्नेमा अहिले मिडियाबाट भ्रामक र उत्तेजनात्मक सामग्री प्रकाशन हुुँदा यस क्षेत्रप्रतिको विश्वास कमजोर भइरहेको टिप्पणी गर्नुुभयो । राष्ट्रिय समाचार समितिका कार्यकारी सम्पादक सूर्यचन्द्र बस्नेतले गलत सूचना प्रवाहले त्रास फैलाउने भएकाले सही र सत्यतथ्य सूचना सम्प्रेषण नै पत्रकारिताको धर्म र मर्म भएको बताए । संस्थाका नवनिर्वाचित अध्यक्ष पन्तले मिडिया एक्शन नेपालले नेपाली मिडिया स्वतन्त्र, निष्पक्ष र उत्तरदायी हुनेपर्ने म्यान्डेटसहित अघि बढेकाले सोहीबमोजिम विभिन्न छलफल, अध्ययनअनुसन्धान जस्ता कार्यक्रम गर्दै आएको बताए।


क्याटेगोरी : सूचना प्रबिधि


तपाईको कमेन्ट लेख्नुहोस्