Techie IT
१५ माघ २०७८, शनिबार

शेयर बजार परिसुचक २८ सय ५७ बिन्दुमा


काठमाडौ । शेयर बजार परिसुचक उकालो लागेको छ । अघिल्लो दिन ३० दसमलव ५१ अंकले ओरालो लागेको शेयर बजार परिसुचक साताको अन्तिम कारोवार दिन आज बिहिबार भने ५४ दसमलव १२ अंकले उकालो लागेर २८ सय ५७ दसमलव ७५ बिन्दुमा चढेको छ ।

क बर्गका कम्पनीहरुको कारोवार मापन गर्ने सेन्सिटिभ इन्डेक्स पनि आठ दसमलव ९४ अंकले उकालो लागेर पाँच सय ३० दसमलव ८३ बिन्दुमा चढेको छ । आज १३ वटा उपसमुहहरु अन्तर्गत दुई सय २४ वटा कम्पनीहरुको शेयर खरिद बिक्री भएका छन् । जसअनुसार ७७ हजार छ सय ६८ पटकको कारोवारमा एक करोड १८ लाख ३४ हजार दुई सय १६ कित्ता शेयर खरिद बिक्री भएका छन् । जसबाट आज कारोवार रकम छ अर्ब ६६ करोड ९७ लाख ४८ हजार पाँच सय ६८ रुपैयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज कारोवार भएका कुल उपसमुहहरु मध्ये अन्य उपसमुहको सुचक ओरालो लागेर बाँकी उपसमुहहरुको सुचक उकालो लागेका छन् ।


क्याटेगोरी : वित्त पूँजी बजार


तपाईको कमेन्ट लेख्नुहोस्