Techie IT
आईतबार, असोज ४,२०७७

कालिका लघुुवित्तको नाफा ४८ लाख ६९ हजार


काठमाडौं, भदौ १५
कालिका लघुुवित्त वित्तीय संस्थाले गत आर्थिक वर्षमा ४८ लाख ६९ हजार रुपैयाँ खुद मुनाफा आर्जन गरेको छ । अघिल्लो आवको सोही अवधिमा संस्थाले दुई करोड सात लाख ५२ हजार रुपैयाँ खुद मुनाफा आर्जन गरेको थियो ।

चुक्ता पुँजी २५ करोड २३ लाख ३० हजार रुपैयाँ रहेको संस्थाले गत आवको चौथो त्रैमासिक अवधिमा एक अर्ब छ करोड ७९ लाख सात हजार रुपैयाँ निक्षेप संकलन गरी दुुई अर्ब ४१ करोड ९० हजार रुपैयाँ कर्जा प्रवाह गरेको छ । सो अवधिमा १६ करोड ३२ लाख ८८ हजार रुपैयाँ खुद ब्याज आम्दानी गरेको संस्थाको प्रोभिजन रकम छ करोड २६ लाख ७९ हजार रुपैयाँ रहेको छ भने निष्क्रिय कर्जाको अनुपात दुुई दशमलव ९८ प्रतिशत रहेको छ ।

अघिल्लो आवको सोही अवधिमा भने संस्थाले ७२ करोड ६६ लाख ३२ हजार रुपैयाँ निक्षेप संकलन गरी एक अर्ब ८१ करोड ३५ लाख १७ हजार रुपैयाँ कर्जा प्रवाह गरेको थियो । उक्त अवधिमा १३ करोड ४६ लाख ७६ हजार रुपैयाँ खुद ब्याज आम्दानी गरेको संस्थाको प्रोभिजन रकम दुुई करोड ४७ लाख १९ हजार रुपैयाँ रहेको थियो भने निष्क्रिय कर्जाको अनुपात एक दशमलव ६० प्रतिशत रहेको थियो । (आर्थिक दैनिकबाट)


क्याटेगोरी : कर्पोरेट/वित्त


तपाईको कमेन्ट लेख्नुहोस्