Techie IT
शुक्रबार, माघ ९,२०७७

आगलागीबाट ७ घर जलेर करिब ७ लाख बराबरको धनमाल नष्ट


काठमाडौै ।

धनकुटाको साँगुरीगढी गाउँपालिका-७ बैका बस्ने ७५ वर्षीया पुण्डुकी राईको घरमा चुलोबाट आइतबार दिउँसो आगलागी हुँदा घर जलेर करिब ४ लाख रुपैयाँ बराबरको धनमाल नष्ट भएको छ ।

बाराको कलैया उपमहानगरपालिका-२४ सखुई बस्ने शोभा लाल चौधरीको घरमा सोमबार दिउँसो आगलागी भई बस्तीमा समेत फैलिँदा शोभा समेत ७ जनाको ७ वटा घर जलेर करिब ७ लाख रुपैयाँ बराबरको धनमाल नष्ट भएको छ ।

कपिलवस्तुको बुद्धभूमि नगरपालिका-१ पथ्थरकोटस्थित सडकमा बाटो सफा गर्ने एयर कमप्रेशर मेसिनमा तार सर्ट भई सोमबार दिउँसो आगलागी हुँदा मेसिन जलेर करिब १५ लाख रुपैयाँ बराबरको धनमाल नष्ट भएको छ ।

दमकल र स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा स्थानीय प्रहरीले आवश्यक अनुसन्धान गरिरहेको छ ।


क्याटेगोरी : समाचार


तपाईको कमेन्ट लेख्नुहोस्


थप समाचार