जिल्ला अस्पताल फाप्लुमा पाठेघरको मुखको क्यान्सर पहिचान सेवा लिने २६ जना

सोलुखुम्बु, साउन २६
सोलुखुम्बुको जिल्ला अस्पताल फाप्लुमा सञ्चालन गरेको पाठेघरको मुखको क्यान्सरको पहिचानमा हालसम्म २६ जनाले सेवा लिएका छन् । जिल्ला अस्पतालले २०७६ साल पुस २२ गतेबाट सञ्चालन गरको पाठेघरको क्यान्सर पहिचान तथा जाँचबाट हालसम्म २६ जनाले मात्रै सेवा लिएको अस्पतालकी निमित्त प्रमुख सानी शेर्पाले जानकारी दिइन् । ३० वर्षदेखि ६० वर्षसम्मका महिलाहरूलाई लक्षित गरी निःशुक्ल सेवा सुचारु गरेको अस्पतालले जनाएको छ ।

पाठेघरको मुखको क्यान्सर जाचँका लागि महिलाहरू टाढा जानुपर्ने बाध्यतालाई अन्त्य गर्नका लागि जिल्ला अस्पतालमा नै यो व्यवस्था मिलाइएको थियो । आर्थिक स्थिति कमजोर भएका महिलाहरूले रोग पालेर बस्ने भएकाले निःशुल्क सेवा सुचारु गरेको निमित्त प्रमुख शेर्पाले बताइन् । हाल अस्पतालमा उपकरणको अभावका कारण जाँच मात्र गरिँदै आएको छ । प्रदेश सरकारले थप उपकरण पठाउने तयारी गरिरहेकाले सबै उपचार जिल्ला अस्पतालमा नै गरिने जनाइएको छ । टाढा जानुपर्ने अवस्थाको अन्त्य भएसँगै सहज र आर्थिकरूपमा पनि निकै राहत महसुस गरिएको स्थानीय महिला बताउँछन् । पाठेघरको समस्या भएका महिलाई जिल्लाबाहिर जाँदा आर्थिकका साथै भौतिक पीडा पनि बढी हुने महिलाहरूको भनाइ छ । (आर्थिक दैनिकबाट)

थप समाचार

सूर्यविनायक हरित कृषि थोक बजारमा २० प्रतिशत छुटको व्यवस्था

नववर्षको सुरुवातसँगै विष्णुमती नदी सरसफाइ अभियान सुरु

एकै दिन छ सय तीन जनामा कोरोना संक्रमण

९७ कम्पनीहरुको बोनस सूचीकृत

प्रधानमन्त्री रोजगार कार्यक्रममा जोडिएनन् दक्ष जनशक्ति

नेपालको औद्योगिक क्षेत्रमा लगानी गर्न विदेशमा रहेका नेपालीलाई आग्रह

नयाँ वर्षको सन्देश : नागरिकता लिनासाथ मतदाता नामावलीमा नाम दर्ता…

कोरोना कहर र राजनीतिक गतिरोधको बीचमा नया“ वर्ष २०७८

सरकार जस्तोसुकै चुनौतीको सामना गर्न तयार छ : मन्त्री गुरुङ