Techie IT
बिहीबार, कात्तिक ६,२०७७

विश्वमा कोरोना भाइरस संक्रमितको संख्या दुई करोड ४९ लाख नाघ्यो


काठमाडौं, भदौ १४
विश्वमा दुई करोड ४९ लाख २८ हजार सात सय ८१ जना कोरोना भाइरस संक्रमित भएका विश्व स्वास्थ्य संगठन (डब्लुएचओ) ले शनिबार जानकारी दिएको छ । सो संगठनकाअनुसार शनिबारसम्म विश्वभरी कोरोना भाइरस संक्रमणबाट आठ लाख ४१ हजार छ सय ८१ जना कोरोना भाइरस संक्रमणका कारण मृत्यु भएको छ । श्निबार अपराह्नसम्म प्राप्त समाचारअनुसार संक्रमितमध्ये हालसम्म एक करोड ७३ लाख १० हजार तीन सय ७२ व्यक्ति कोरोना मुक्त भएका छन् ।

विश्वभरमा ६७ लाख ७६ हजार सात सय २० व्यक्ति कोरोना भाइरस संक्रमित रहेका उनीहरुको उपचार भइरहेको छ । संक्रमितहरुमध्ये ६१ हजार एक सय ८६ जनाको अवस्था गम्भीर रहेको जनाएको छ । कोरोना भाइरसबाट अन्त्यत प्रभावित दशवटा देशहरुको डब्लुएचओद्वारा प्रकाशित तथ्यांक यी रहेका छन् ।

चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस संक्रमणको कारण संयुक्त राज्य अमेरिका सबैभन्दा बढी प्रभावित भएको छ । अमेरिकामा ६० लाख ९६ हजार सात सय ५६ जनामा कोरोना भाइरसका संक्रमित रहेका छन् । यस प्रकोपका कारण अमेरिकामा १ लाख ८५ हजार नौ सय ६५ व्यक्तिको मृत्यु भइसकेको बताइएको छ ।

ब्राजिलमा ३८ लाख १२ हजार छ सय पाँच जना कोरोना भाइरस संक्रमित रहेका छन् । यहाँ १ लाख १९ हजार पाँच सय ९४ जनाको मृत्यु भएको छ । भारतमा ३४ लाख ६८ हजार दुई सय ७२ जना कोरोना भाइरस संक्रमित रहेका छन् । यहाँ ६२ हजार सात सय ५० जनाको मृत्यु भएको छ ।

रुस ३३ लाख ८५ हजार तीन सय ४६ जना कोरोना भाइरस संक्रमित रहेका छन् भने १७ हजार २५ जनाको मृत्यु भएको छ । पेरुमा छ लाख २९ हजार नौ सय ६१ जनामा कोरोना भाइरस संक्रमण रहेको छ भने २८ हजार चार सय ७१ जनाको मृत्यु भएको छ । दक्षिण अफ्रिकामा छ लाख २० हजार एक सय ३२ जनामा कोरोना भाइरस संक्रमण रहेको छ भने १३ हजार सात सय ४३ जनाको मृत्यु भएको छ । कोलम्बिया पाँच लाख ९० हजार पाँच सय २० जनामा कोरोना भाइरस संक्रमण रहेको छ भने १८ हजार सात सय ६७ जनाको मृत्यु भएको छ ।

मेक्सिकोमा पाँच लाख ८५ हजार सात सय ३८ जनामा कोरोना भाइरस संक्रमण रहेको छ भने ६३ हजार एक सय ४६ जनाको मृत्यु भएको छ । स्पेनमा चार लाख ५५ हजार छ सय २१ जनामा कोरोना भाइरस संक्रमण रहेको छ भने २९ हजार ११ जनाको मृत्यु भएको छ । चिलीमा चार लाख पाँच हजार नौ सय ७२ जनामा कोरोना भाइरस संक्रमण रहेको छ भने ११ हजार एक सय ३२ जनाको मृत्यु भएको छ । (रासस/एएफपी) (आर्थिक दैनिकबाट)


क्याटेगोरी : अन्तर्राष्ट्रिय


तपाईको कमेन्ट लेख्नुहोस्


थप समाचार