Techie IT
बिहीबार, कात्तिक ६,२०७७

१६ अर्ब डलरमा भेरियनलाई प्राप्ति गर्दै साइमेन्स हेल्दिनियर्स


बर्लिन, साउन १९
जर्मन हेल्थ ग्रुप साइमेन्स हेल्दिनियर्सले क्यान्सर उपचार सामग्री कम्पनी भेरियनलाई अर्बौँ डलरमा प्राप्ति गर्ने भएको छ । रोयटर्सका अनुसार १६ अर्ब ४० करोड अमेरिकी डलरमा भेरियन मेडिकल सिस्टम्स इन्कलाई साइमेन्सले प्राप्ति गर्नलागेको हो । उक्त मूल्यांकन अमेरिकी कम्पनी भेरियनले क्यान्सर उपचारका लागि उत्पादन गर्ने डिभाइस, सफ्टवेयरसहितको हो । प्राप्ति सहमतिअनुसार साइमेन्सले भेरियनको सबै सेयर स्वामित्व प्रतिकित्ता १७७ अमेरिकी डलरमा लिनेछ । जुनमध्ये २४ प्रतिशत गत शुक्रबारको बजार बन्द हुनुअघिको अमेरिकी कम्पनीको सेयर मूल्यमा आधारित प्रिमियम हुनेछ ।

औद्योगिक समूह साइमेन्सले सम्झौताका लागि वित्तीय सहयोग गर्नेछ । उसले सन् २०२५ सम्ममा क्यान्सर उपचारमा विश्वकै अग्रणी बन्ने लक्ष्य लिएको छ । साइमेन्सका सीईओ बर्नाड मोन्ट्यागले क्यान्सरविरुद्धको लडाइँ र स्वास्थ्य क्षेत्रमै गरी फड्को मार्ने बताए । भेरियनका अध्यक्ष तथा प्रमुख कार्यकारी अधिकृत डो विल्सनले विश्वव्यापी ठूलो संख्याका बिरामीलाई सेवा गर्ने गरी कम्पनी रुपान्तरण हुने बताए । दुई संस्थाबीचको सम्झौताबारे सर्वप्रथम ब्लुमबर्गले समाचार दिएको थियो । यो सम्झौतालाई भेरियनका सेयरधनी र नियामकले स्वीकृति दिइसकेको बताइएको छ । (आर्थिक दैनिकबाट)


क्याटेगोरी : अन्तर्राष्ट्रिय


तपाईको कमेन्ट लेख्नुहोस्


थप समाचार