Techie IT
१० असार २०७८, बिहीबार

इराकबाट लुटिएको मूर्ति फिर्ता गरिने


बग्दाद ।
बेलायतले चार हजार वर्ष पुरानो इराकी एक शिल्पकलालाई फिर्ता गर्ने भएको छ । अनुसन्धानबाट उक्त शिल्पकला लुटिएको प्रमाणित भएपछि बेलायती संग्रहालयले सोमबार कलायुक्त वस्तु (मूर्ति)लाई फिर्ता गर्न तयार भएको हो ।

गत वर्ष मेमा अनलाइन बिक्री केन्द्रले बिक्रीको लागि कलाको प्रस्ताव गरेपछि केही प्रमाणसहित उक्त कला इराकबाट लुटिएको दावी गरिएको थियो । यसै आधारमा विशेषज्ञ लन्डन प्रहरी इकाईले संग्रहालयका विज्ञलाई बोलाई अनुसन्धान सुरु गरेका थिए । अनलाइनमा यसलाई ‘वेस्टर्न एशियाटिक अक्काडियन ट्याब्लेट’ भनेर वर्णन गरेको भएपनि विज्ञहरूले चुन ढुंगाको उक्त कला पुरानो सुमेरियाली मन्दिरको भएको र ईशापूर्व २४०० तिर बनाइएको बताएका छन् ।

संग्रहालयका अनुसार उक्त शिल्पकला १९औं शताब्दीको अन्त्य र २० औं शताब्दीको उत्तरार्धमा मन्दिरबाट लुटिएको थियो र पछि यो खाडी युद्धको पुन चोरी भएको र सन् २००३ को इराक युद्धको क्रममा पनि लुटिएको थियो । संग्रहालयले भनेको छ, ‘अनुसन्धानले यो महत्वपूर्ण शिल्पकलालाई इराकबाट गैरकानुनी रूपमा बेलायत ल्याइपु-याएको बेलायती अधिकारीले पत्ता लगाएका छन् । छिट्टै फिर्ता हुन्छ ।’ यस्ता मुर्तिहरू निकै विरलै पाइने प्राचीन कला हुन् र विश्वमा यस प्रकारका करिब ५० मूर्तिहरू अस्तित्वमा रहेको पत्ता लागेको बेलायती अधिकारीले बताएका छन् । (आर्थिक दैनिकबाट)


क्याटेगोरी : अन्तर्राष्ट्रिय


तपाईको कमेन्ट लेख्नुहोस्