logo

नयाँ स्टार कालियन एमबाप्पे

काठमाडौ असार २४
यो विश्वकपमा फ्रान्सका १९ वर्षीय फरवार्ड कालियन एमबाप्पेको यतिबेला चौतर्फी चर्चा चुलिएको छ । फुटबलका महान खेलाडी पेलेको झै झल्को दिने र पेलेलाई नै बिर्साउने खालको उत्कृष्ट खेल प्रदर्शन गर्ने अर्का खेलाडीका रुपमा एमबाप्पेलाई हेर्न थालिएको छ । खासगरी रुसमा भैरहेको विश्वकपमा अर्जेन्टिनाबिरुद्ध २ गोल गरेपछि उनको चर्चा बढेको हो । लियोनल मेस्सी रहेको टिमविरुद्धको खेलमा २ गोल गरेका थिए । एमवाप्पेको उक्त २ गोलले नै फ्रान्स अर्जेन्टिनासँग ४–३ ले विजयी भएको थियो ।
उनको खेल्ने शैलीले उनी विश्वका नयाँ स्टार खेलाडी हुन् भन्दा फरक नपर्ला । रुसको विश्वकपले नेयमार, मेस्सी, क्रिस्टियानो रोनाल्डोलाई बिर्साउन सक्ला तर एम्बाप्पे सम्पूर्ण दर्शकोको मष्तिस्कमा बसिसकेका छन् । अघिल्लो सिजन लिग वानमा मोनाकोलाई उपाधि जिताउन महŒवपूर्ण खेल खेलेपछि पिएसजीले उनलाई लोनमा भित्र्याएको हो । यदि पिएसजीको लोन सदर भएमा यो सिजनबाट एमवाप्पे ब्राजिलका नेयमारपछिका दोस्रो महंगा खेलाडि बन्ने छन् ।
एमबाप्पेको पारिवारिक कुरा भने अलि भिन्न छ । उनका बुबा क्यामरुनका हुन् भने आमा अल्जेरियाकी हुन् । उनका बुवा आँफै फुटबल प्रशिक्षक हुन् भने आमा ह्यान्डवलको राम्रो खेलाडी हुन् । घरभित्रै फुटबल प्रशिक्षक पाएका एम्बाप्पेले फ्रान्समा युवा टोलीमा राम्रो स्थान बनाए ।
उनी आफू क्रिस्टियानो रोनाल्डोको फ्यान भएको बताउँछन् । आफू १४ वर्षको हुदाँ कोठाभरि रोनाल्डोको तस्बिरहरु सझाएको थिए । रोनाल्डो जस्तै स्टार खेलाडी बन्ने रहर थियो । भविष्यमा रोनाल्डो जस्तै स्टार खेलाडी बन्ने सपना थियो । रोनाल्डोले ४ विश्वकप खेल्दै ६ गोल गरेका छन् ।
भने एमवाप्पेले १९ वर्षको उमेरमै ३ गोल गरेका छन् । फुटबलको इतिहासमा सबैभन्दा कम उमेरमा विश्वकपमा गोल गर्ने खेलाडी बनेका छन् एमवाप्पे । यो विश्वकपमा पेरुविरुद्ध १ र अर्जेन्टिनाविरुद्ध २ गोल गरेका छन् । विश्वभरिका पन्डितहरुले एमबाप्पेमाथि भरोसा गरेका छन् । हेरौ के फ्रान्सले विश्वकप जित्ला ? के १९ वर्षकै उमेरमा एमबाप्पेले फ्रान्सलाई विश्वकपको उपाधि दिलाउलान् ? यो भने हेर्न बाँकि नै छ ।
फ्रान्सको लागि सन् २०१७ मार्चमा डेब्यु गरेका एमबाप्पेको गोल गर्ने क्षमता, तीव्र गति, दुवै खुट्टाले बल छलाउन र प्रहार गर्न सक्ने क्षमताको कारण धेरैले उनलाई भविष्यको सुपरस्टारको रुपमा चित्रित गरेका छन् । पेलेले सन् १९५८ को विश्वकपमा १८ वर्षको उमेरमा स्वीडेनविरुद्ध एक्लैले दुई गोल गरेपछि ६० वर्षसम्म कुनै पनि टिनएज खेलाडीले विश्वकपको एकै खेलमा दुई गोल गरेका थिएनन् । उक्त कीर्तिमानलाई एमबाप्पेले ६० वर्षपछि बराबरी गरे ।


को हुन् एमबाप्पे ?
सन् १९९८ डिसेम्बर २० मा जन्मिएका एमबाप्पेको पूरा नाम लोटिन किलियन एमबाप्पे हो । गएको सिजन मोनाकोबाट लोनमा पेरिस सेन्ट जर्मेन (पीएसजी) आएका उनले लोभलाग्दो प्रदर्शन गरिरहेका छन् । गत सिजन चोटको कारण धेरै खेल गुमाए पनि उनले लिगमा १३ गोल गरेका थिए । सानै उमेरबाट फुटबल खेल्न थालेका उनी एएस बोन्डीको युथ एकेडेमीका उत्पादन हुन् । त्यसपछि आइएनएफ क्लारेफोन्टेन हुँदै मोनाको पुगेका उनी सत्र वर्षको उमेरमै मोनाकोको सिनियर टिमबाट डेब्यु गर्दै नियमित गोलकर्ता बन्न सफल भए ।
सन् २०१६–१७ को सिजन मोनाकोलाई उपाधि जिताउन महत्वपूर्ण भूमिका खेलेपछि उनलाई पीएसजीले कीर्तिमानी रकम तिर्ने सम्झौता गर्दै लोनमा भित्र्याएको हो । यो सिजन लागेसँगै पीएसजीले उनको लागि १ सय ८० मिलियन युरो मोनाकोलाई तिर्नेछ । यो रकम पीएसजीले नै नेइमारको लागि बार्सिलोनालाई तिरेको २ सय २२ मिलियन युरो पछिको दोस्रो ठूलो ट्रान्सफर रकम हो ।
विश्वकै दोस्रो महँगो खेलाडी भए पनि उनी उदार दिलका छन् । उनलाई देश प्रतिनिधित्व गरेर खेल्दा पैसा लिन हुँदैन भन्ने महसुस हुन्छ । त्यसैले उनले आफूले फ्रान्सको जर्सी लगाएर खेल्दा पाउने सबै रकम अपांग बच्चाहरुको लागि दान दिने बताएका छन् ।
उनले विश्वकपमा खेलमा प्रति खेल बराबर १७ हजार पाउण्ड प्राप्त गर्छन् । त्यस्तै फ्रान्सले विश्वकप जितेमा उनले पारिश्रमिकबाहेक दुई लाख पैंसठ्ठी हजार पाउण्ड बोनसको रुपमा प्राप्त गर्नेछन् । उनले आफूले प्राप्त गर्ने रकम र बोनस अपांग बालबालिकाको क्षेत्रमा काम गर्ने च्यारिटी संस्था प्रायर्स डे कोर्डेस एसोसिएसनलाई प्रदान गर्ने घोषणा गरेको फ्रान्सेली दैनिक लि इक्विपेले जनाएको छ ।
‘रोनाल्डो अब मेरो आइडल रहेनन्,’ उनले भने, ‘अब त्यो समय सकियो । ‘उनी मेरो बाल्यकालका हिरो हुन्, उनीसँग मैले भेटेको समय निकै उत्साहपूर्ण थियो,’ स्पेनिस पत्रिका मार्कासँग एमबाप्पेले भने, ‘म सानो हुँदा उनीको खेल हेरेर उत्साहित हुन्थेँ । तर अब त्यो समय सकियो । अब म बर्नाबेउ खेल्नका लागि जाँदैछु र जितका लागि पनि ।’
यो सिजनमा रियल मड्रिडले एमबाप्पे भित्र्याउने प्रयास गरेको थियो । तर, उनले रियलको प्रस्ताव अस्वीकार गर्दै मोनाकोबाट आफ्नो बाल्यकालको क्लब पेरिस सेन्ट–जर्मेन गए । प्रभावशाली प्रदर्शन गर्दै आएका १९ वर्षीय एमबाप्पेलाई रोनाल्डोलाई प्रतिस्थापन गर्न सक्ने खेलाडीको रुपमा हेरिएको थियो । उनले कुनै बेलाको आफ्ना आइडल रोनाल्डोसँग अब प्रतिस्पर्धा गर्दैछन् । उनीहरुले च्याम्पियन्स लिगको अन्तिम १६ को खेलमा प्रतिस्पर्धा गर्नेछन् । च्याम्पियन्स लिगको अन्तिम १६ को पहिलो लेगमा आउँदो फेब्रुअरी १४ मा पिएसजीले रियल मड्रिडसँग बर्नाबेउमा खेल्नेछ ।
एमबाप्पेले रोनाल्डोबाट धेरै कुरा सिक्न सकिने बताइरहँदा उनी अतुलनीय खेलाडी भने नभएको धारणा राखे । उनले आफ्नो नयाँ हिरोको रुपमा पिएसजीमै रहेका नेइमारलाई उभ्याए । उनले रोनाल्डो र नेयमारलाई तुलना गर्न सकिने धारणा राखे । अत्यन्तै सहयोगी र आत्मिय खेलाडीको संज्ञा दिँदै एमबाप्पेले नेयमारलाई आफ्नो हिरो बताएका हुन् ।

प्रतिकृया दिनुहोस्

फेसबुक र ट्विटर मार्फत हामीसंग जोड़िनुहोस

सम्बन्धित समाचार

फिफा वरीयतामा नेपाल एक स्थान माथि उक्लियो

अन्तर्राष्ट्रिय फुटबल महासंघ (फिफा) ले सार्वजनिक गरेको नयाँ वरीयतामा नेपाल १ स्थान माथि उक्लिएको छ...

प्रशिक्षक र खेलाडीलाई पदक

सरकारले संविधान दिवसको अवसरमा खेलाडी तथा खेलकर्मीलाई पदक दिने घोषणा गरेको छ । सरकारले खेलकूद क्षेत्रमा...

खेलकूदले देशलाई चिनाएको छ : मन्त्री विश्वकर्मा

सङ्घीय सरकारका युवा तथा खेलकूदमन्त्री जगतबहादुर विश्वकर्माले खेलकूद क्षेत्रले देशलाई चिनाएको बताएको छन् ।...
सुलसुले अरु धेरै

कस्तो अरिंगाल बन्ने !

पछिल्लो समय फस्टाईरहेको विकृति, हत्या, वलत्कार, हिंसा , ठगी, भ्रष्ट्रचार विरुद्ध आवाज उठाउँदा त्यसको प्रतिकार...

परराष्ट्रमन्त्री मंगोलिया उडे

परराष्ट्रमन्त्री प्रदीप ज्ञवाली यहि जुन ११ र १२ तारिखमा मंगोलियाको उलानवाटरमा हुने विकासशील भुपरिवेष्ठित...

कांग्रेस सभापति देउवाको छोराको उपचारका लागी दिल्ली लगियो

कांग्रेस सभापति तथा पुर्व प्रधानमन्त्री शेर बहादुर देउवाको छोरा जयवीरशिंह देउवाको नाक भित्रको हड्डी बढेर...

सशस्त्र प्रहरीमा आपसी समन्वयको अभावमा अयोग्यले फाईदा लुट्दै

सशस्त्र प्रहरीमा आपसी समन्वयको अभावमा अयोग्यले फाईदा...

मोदीका राजनितिक सल्लाहकार सुटुक्क नेपालमा

भारतीय प्रधानमन्त्री नरेन्द्र मोदीका राजनितिक सल्लाहकार डा. रनजित राय सुुटुक्क नेपालमा आएका छन्...

सुलसुले समाचार

मंगलबार विहान काठमाडौ बाट लुक्लाको लागी उडेको सिता एयरको जहाज ईन्जिनको खराबीको कारण लुक्लामा अवतरण गर्न...

सम्पादकीय अरु धेरै

तामझामकोे जाम कहिलेसम्म व्यहोर्नुपर्ने !

संविधान सभाले बनाएको संविधानअनुसारको सरकारको पहिलो सरकारको नीति तथा कार्यक्रम वाचन गर्न जाँदा राष्ट्रपतिको जस्तो तामझाम र त्यसले जस्तो जाम गरायो त्यसदिन पीडित हरेकका मनमा यही प्रश्न उठेको हुनुपर्छ ।...

राजनीतिमा नमीठो घोच्ने काँडा हुन्छ

तिमी ऐना मेरो मुहारको र हेरिरहन्छु आफूलाई तिमीमा । कहिले अघाउदिनँ म आफ्नो मुहार हेरेर किनकि त्यहाँ तिम्रो विम्ब...
मनोरञ्जन / साहित्य अरु धेरै

ढल्की ढल्की गीत सार्वजनिक

१६ कात्तिकबाट प्रदर्शनमा आउने नेपाली कथानक चलचित्र ‘चंगा चेट’को दोस्रो गीत सार्वजनिक गरिएको छ । सोमबार...

पहिला आन्तरिक लोकतन्त्र स्थापित गर

लामो समयसम्म मुलुकको शासन सम्हालेको र राणा र राजतन्त्रको निरङ्कुशताविरुद्ध लडेको कांग्रेस आज आफ्नै पार्टीको...
आर्टून अरु धेरै
cartoon

भिडिओं अरु धेरै