logo

राजस्व घोटालाका भन्सार एजेन्ट बोहोरा दाजुभाइलाई उन्मुक्ति दिइँदै

बिराटनगर, जेठ ३
बैंकमार्फत भन्सारमा दाखिला गरेको रकम घोटला अभियोगमा राष्ट्रिय वाणिज्य बैंक सुख्खा बन्दरगाह शाखाका वरिष्ठ सहायक अधिकृत तोर्णबहादुर राउत र कर्मचारी विष्णु निरौला अदालतको आदेशअनुसार कारागार चलान भइसकेका छन् । त्यस्तै रकम घोटलाका मुख्य मतियार रहेका भन्सार एजेन्टलाई भने उन्मुक्ति दिलाउन चलखेल सुरु भएको छ । विराटनगर भन्सार कार्यालयस्थित राष्ट्रिय वाणिज्य बैंक सुख्खा बन्दरगाहा शाखा रानीका वरिष्ठ सहायक अधिकृत तोर्णबहादुर राउत र कर्मचारी विष्णु निरौलाले अदालतको आदेशअनुसार क्रमशः दुई करोड र दुई करोड ५० लाख धरौटी बुझाउन नसकेर कारागार बसेका छन् । तर, सोही अभियोगमा फरार रहेका सुरेश क्लियरिङ एण्ड फरवार्डिङका सञ्चालक सुरेश बोहोरा र उनका प्रतिनिधि ललित बोहोरा भने अहिलेसम्म फरार रहेका छन् ।
घटना घटेको ९० औं दिन पूरा गरेपछि मुख्य योजनाकार रहेका बोहोराद्वयलाई उन्मुक्ति दिलाउन प्रतिष्ठित उद्योगी लागी परेको रहस्य खुल्न खुलेको छ । केही दिनपछि ९० दिन पुग्ने भएकाले पनि भन्सार राजस्व अपचलन मुद्दा थप जटिल मोडमा पुगेको दाबी समाचारस्रोतले गरेको छ । एउटै अभियोग लागेका कर्मचारी कारागारमा र मुख्य योजनाकार रहेका भन्सार एजेन्ट उन्मुक्ति पाउने प्रयास सफल हुने हो वा होइन त्यो पछिका दिनमा खुल्ने नै छ । स्रोतका अनुसार सोही बेला नै भन्सार एजेन्ट सुरेश बोहराको सुरेश क्लियरिङ एण्ड फरवार्डिङ सर्भिसमार्फत भन्सार क्लियरिङको कारोबार गराउने आयात तथा निर्यातकर्ता फर्मलाई अनुसन्धानमा तान्ने गरी प्रहरीले पत्राचार गरपछि बैंकको डुबेको रकम रातारात स्थानीय उद्योगी तथा व्यापारीले बंैकमा जम्मा गरेको घटना पनि सार्वजनिक भएको छ । अहिले उक्त जम्मा भइसकेको राजस्वबापतको रकम दाखिला भइसकेको हुँदा भन्सार एजेन्टले उन्मुक्ति पाउनुपर्ने तर्क पनि गर्न थालिएको छ ।
गत ०७४ फागुन महिनामा भन्सार राजस्व अपचलन घटना सार्वजनिक भएसँगै राष्ट्रिय वाणिज्य बैंक विराटनगरसँग भएको अख्तियारी प्रयोग गर्दै निमित्त प्रबन्धक राजेश डंगोलले बैंकको रानीस्थित भन्सार शाखाको सुख्खा बन्दरगाहामा कार्यरत वरिष्ठ सहायक अधिकृत राउतलाई बैंक तथा वित्तीय संस्था ठगी गरेको आरोपमा कारबाही माग गर्दै किटानी जाहेरी दिएपछि मोरङ प्रहरीले घटनाको अनुसन्धान थालेको थियो ।
प्रहरीको अनुसन्धानपछि कर्मचारी विष्णु निरौला पनि पक्राउ परेपछि अदालतबाट दुवै कर्मचारीसँग धरौटीबापत दुई करोड र निरौलासँग दुई करोड ५० लाख धरौटी माग गरिएको थियो । उक्त रकम बुझाउन नसकेपछि दुवै कर्मचारी कारागार चलान भएका हुन् । भन्सारको राजस्व खातामा जम्मा देखिएको नौ करोड ६१ लाख ५५ हजार रकम बैंकमा भने जम्मा गरिएको थिएन । बैंकका काउन्टर प्रमुख राउत र निरौलाको सहमतिले एजेन्टसँगको मिलेमतोमा एकाउन्ट पेयी चेक लिएको र त्यो बाउन्स रहेका कारण बैंक घोटालामा मिलेमतो रहेको देखिएपछि अदालतबाट यस्तो फैसला आएको भनाइ व्यापारी तथा उद्योगीको छ ।
मोरङ व्यापार संघ पनि विवादमा :- मोरङ व्यापार संघका निर्वाचित पदाधिकारीसमेत रहेका भन्सार एजेन्ट सुरेश बोहोराका सहोदर भाइ ललित बोहोरा अहिले फरार भएपछि उनी सामाजिक संस्थामा रहने कि नरहने भन्ने विषय औद्योगिक क्षेत्रमा चर्चाको विषय बनेको छ ।
भन्सार अपचलनको घटना सार्वजनिक हुनुभन्दा करिब चार महिनादेखि उक्त घटना बैंक र भन्सार एजेन्टको मिलोमतोमा लुकाएर राखिएको थियो । चार महिनापछि भए पनि घटना सार्वजनिक भई बैंक कर्मचारीसमेत कारागार चलान भएको पनि करिब एक महिना हुन लागेको छ । तर, व्यापार संघ जस्तो गरिमामय संस्थामा सदस्य रहेका पदाधिकारीमाथि व्यापार संघको पदाधिकारी समिति अहिलेसम्म मौन बसेपछि भन्सार एजेन्टलाई उन्मुक्ति दिलाउने प्रयास त भएको छैन भन्ने अडकल व्यापारिक क्षेत्रमा सुरु भएको छ ।
एक व्यापारीले दिएको जानकारीअनुसार संस्थामा रहेका कुनै पनि सदस्य संस्थाको विधानअनुसार नै चल्नु पर्दछ । तर, एउटै अभियोगमा कर्मचारी कारागार जाने तर व्यापार संघले आफ्ना सदस्यलाई निष्काशनसमेत गर्न नसक्ने भन्ने तर्क पनि गर्न थालिएको छ । मोरङ व्यापार संघको विधानअनुसार तुरुन्त त्यस्ता सदस्यलाई संस्थाबाट निस्काशन गरिएन भने संस्थाको गरिमामा नै आँच पुग्ने भनाइ आउन थालेको छ । जसले गर्दा एउटा सदस्य बचाउन संस्थालाई नै अनिर्णयको बन्दी नबनाउन व्यवसायीले आग्रह गरेको समाचारस्रोतले बताएको छ ।

प्रतिकृया दिनुहोस्

फेसबुक र ट्विटर मार्फत हामीसंग जोड़िनुहोस

सम्बन्धित समाचार

महिला अधिकारकर्मी सम्मानित

महिला हिंसा अन्त्य र महिला अधिकार सचेतनाका क्षेत्रमा उल्लेखनीय योगदान पु-याएका सातजना अधिकारकर्मीसहित दुईजना...

यौनदुराचार कार्यमा संलग्न विदेशी नागरीक पक्राउ

६६ वर्षिय स्वीजरल्याण्डका नागरीक (हाल जिल्ला भक्तपुर सिद्ध पोखरी बस्ने) ले ललाई फकाई काठमाण्डौ बाफल बस्ने वर्ष...

नेपालको ऊर्जा क्षेत्रमा सहयोग गर्न अष्ट्रेलिया इच्छुक

ऊर्जा, जलस्रोत तथा सिँचाइमन्त्री वर्षमान पुन र नेपालका लागि अष्ट्रेलियन राजदूत पिटर बडबीच ऊर्जा क्षेत्रमा...
सुलसुले अरु धेरै

परराष्ट्रमन्त्री मंगोलिया उडे

परराष्ट्रमन्त्री प्रदीप ज्ञवाली यहि जुन ११ र १२ तारिखमा मंगोलियाको उलानवाटरमा हुने विकासशील भुपरिवेष्ठित...

कांग्रेस सभापति देउवाको छोराको उपचारका लागी दिल्ली लगियो

कांग्रेस सभापति तथा पुर्व प्रधानमन्त्री शेर बहादुर देउवाको छोरा जयवीरशिंह देउवाको नाक भित्रको हड्डी बढेर...

सशस्त्र प्रहरीमा आपसी समन्वयको अभावमा अयोग्यले फाईदा लुट्दै

सशस्त्र प्रहरीमा आपसी समन्वयको अभावमा अयोग्यले फाईदा...

मोदीका राजनितिक सल्लाहकार सुटुक्क नेपालमा

भारतीय प्रधानमन्त्री नरेन्द्र मोदीका राजनितिक सल्लाहकार डा. रनजित राय सुुटुक्क नेपालमा आएका छन्...

सुलसुले समाचार

मंगलबार विहान काठमाडौ बाट लुक्लाको लागी उडेको सिता एयरको जहाज ईन्जिनको खराबीको कारण लुक्लामा अवतरण गर्न...

संघियतामा भारतीय सरर :

खै कहाँ रोकियो त भारतीयलाई...

सम्पादकीय अरु धेरै

तामझामकोे जाम कहिलेसम्म व्यहोर्नुपर्ने !

संविधान सभाले बनाएको संविधानअनुसारको सरकारको पहिलो सरकारको नीति तथा कार्यक्रम वाचन गर्न जाँदा राष्ट्रपतिको जस्तो तामझाम र त्यसले जस्तो जाम गरायो त्यसदिन पीडित हरेकका मनमा यही प्रश्न उठेको हुनुपर्छ ।...

ध्यान र योग

‘शान्ति जस्तै कुनै तप छैन, सन्तोषजस्तै कुनै सुख छैन, तृष्णा जस्तै कुनै रोग छैन र दयाभन्दा ठूलो केही धर्म...
मनोरञ्जन / साहित्य अरु धेरै

चलचित्र ‘शत्रु गते’ युएईमा जुलाई १२ देखि प्रदर्शन हुने

सर्वाधिक बहुप्रतिक्षीत नेपाली चलचित्र ‘शत्रुू गते’ युएईका बिभिन्न हलमा पर्दशनी हुने भएको छ । नेपाली चलचित्र...
आर्टून अरु धेरै
cartoon

भिडिओं अरु धेरै