logo

डीजाईजी नवराज सिलवाल किन भए भूमिगत ?

आर्थिक संवाददाता
काठमाडौं, पुस २०

महानगरीय प्रहरीपरिसर काठमाडौंले ललितपुर प्रहरीलाई नवराज सिलवाल तत्काल पक्राउ गरेर उपस्थित गराउनू भन्दै पत्र काटेपछि एकाएक भूमिगत भएका छन् । सो पत्र काटेपछि विभिन्न मिडियामा सिलवाल मलेसिया गएको भनिँदै समाचार आए पनि उनी एकमात्र अन्तर्राष्ट्रिय विमानस्थलबाट भने नगएको प्रष्ट भएको छ । त्रिभुवन अन्तर्राष्ट्रिय विमानस्थल प्रयोग नगरेका सिलवाल कुन माध्यमबाट मलेसिया पुगे भन्नेबारे सम्बन्धित निकायबाट खोजी भए पनि सिलवाल भने भारतको विमानस्थल हुँदै गएको आशंका प्रहरीले गरेको छ ।

 


तर, त्रिभुवन विमानस्थल अध्यागमन कार्यालयको रेकर्डमा पूर्वडीआईजी एवं एमालेका सांसद् नवराज सिलवाल एयरपोर्टबाट बाहिरिएको कुनै रेकर्ड छैन । त्रिभुवन विमानस्थलस्थित अध्यागमन कार्यालयमा कार्यरत एक अधिकृतका अनुसार गएको अक्टोबर ४ र डिसेम्बर ६, २०१७ मा विदेशबाट नेपाल आएको रेकर्ड भए पनि उनी त्यसपछि हवाइमार्ग हुँदै विदेश गएको रेकर्ड भने नभएको बताइएको छ ।

 


अध्यागमनका अनुसार नवराज मलेसिया गएको भनेकै दिन अर्थात् मंगलबार र बुधबार सात जना सिलवाल थरका मान्छे विदेश गएका तर नवराज सिलवाल भने नगएको रेकर्ड रहेको छ । सिलवालको नाममा जारी भएको राहदानी १०६१७०२८ नम्बरको राहदानी पछिल्लोपटक विदेशबाट नेपाल फक्रिएको रेकर्ड भए पनि पुनः विदेश गएको देखिँदैन । उनको सो राहदानी २०२७ नोभेम्बर ६ तारिखसम्मको म्याद रहेको छ ।
उनका निकटस्थहरूले सिलवाल मलेसियाको क्वालालम्पुरमा आयोजित एसियन इन्स्टिच्युट अफ टेक्नोलोजीद्वारा आयोजित ‘इस्ट एसियन इनिसियटिभ्स इन द कम्युनिटी डेभलपमेन्ट विथ स्पेसियल फोकस टु वुमन’ विषयक कार्यक्रममा भाग लिन गएको दाबी गर्दै आएका छन् । काठमाडौँ प्रहरी प्रमुख एसएसपी रवीन्द्र धानुकलाई प्रहरी महानिरीक्षक प्रकाश अर्यालले सिलवालमाथिको कारबाही अगाडि नबढाए सरुवा गर्ने चेतावनी दिएको सूचना पाएपछि सिलवाल भारतको बाटो हुँदै क्लालालम्पुर गएको हुनसक्ने बताइएको छ ।

 


प्रहरी महानिरीक्षक अर्यालले काठमाडौँ प्रहरी प्रमुखलाई तत्काल पक्राउ गर्न आदेश गरे पनि उनले सिलवाल ललितपुरको गोदावरीमा बस्ने हुनाले आफ्नो कार्यक्षेत्रमा नपरेको भन्दै ललितपुर प्रहरीलाई पत्राचार गरेका थिए ।
यसैबीच, काठमाडौं प्रहरीबाट पत्र प्राप्त गरेसँगै ललितपुर प्रहरी प्रमुख (एसएसपी) गणेश ऐरले आफू कानुनअनुसार नै अगाडि बढ्ने बताएका छन् ।

 


सिलवालले बोक्ने गरेको मोबाइल नम्बर समेत अफ गरिएको छ भने डीआईजी हुँदा बालकुमारीस्थित रहेको अपार्टमेन्टमा समेत बस्दै आएका थिए । पक्राउ पत्र जारी भएपछि मोबाइल अफ गरेर उनी कि सोही अपार्टमेन्टमा बसेका छन्, या भारतको बाटो हँुदै मलेसिया गएको अनुमान प्रहरीको रहेको छ । प्रहरीले पक्राउ पत्र बोकी ललितपुरको गोदावरीस्थित उनको घरमा गएको थियो ।  

 


कार्यालयमा दर्ता भएको मुद्दा दर्ता नम्बर २८३/०७४/०७५ मुलुकी ऐन किर्ते कागजको महलअन्तर्गतको सरकार कागजात किर्ते मुद्दाको अनुसन्धानको सिलसिलामा केही कुरा बुझ्नुपर्ने भएको भन्दै सिलवाललाई अविलम्ब कार्यालयमा उपिस्थित गराई अनुसन्धान कार्यमा सहयोग गरिदिन भन्दै पत्र काटिएको थियो । सरकारी छाप तथा दस्तखत किर्ते मुद्दामा काठमाडौं प्रहरीपरिसरले गत मंगलबार साँझ पूर्वडीआईजी नवराज सिलवालबारे ललितपुर प्रहरीपरिसरलाई लेखेको हो ।

 


ललितपुर प्रहरीलाई साँझ ७ बजे मात्र पत्र प्राप्त भएको जनाएको छ । त्यसअघि नै सिलवाललाई पक्राउ पुर्जी जारी भएको भन्ने समाचार फैलिइसकेको थियो । एसएसपी ऐरले भने, ‘हामीलाई सिलवाल उपस्थित गराउने पत्र प्राप्त भएको हो,  केही बुझ्नका लागि उहाँलाई ल्याउनू भन्ने आदेश छ ।’

 


प्रहरी महानिरीक्षक ‘आईजी’ नियुक्ति विवादमा सिलवालले सर्वोच्च अदालतमा पेस गरेको कार्यसम्पादन मूल्यांकन (कासमु) फाइल किर्ते भएको अदालतले निष्कर्ष निकालेको थियो । सर्वोच्चले यस विषयमा संलग्नहरुको पहिचान गरी कारबाही गर्न आदेश दिएको थियो । केही साताअघि काठमाडौं प्रहरीपरिसरमा उक्त विषयमा सरकारी दस्तखत तथा छाप किर्तेमा मुद्दा दर्ता भए पनि कसैविरुद्ध किटानी जाहेरी दर्ता भएको थिएन । पुस ५ गते दर्ता भएको मुद्दामा त्यसको १० दिनपछि सिलवाललाई उपस्थित गराउने विषयमा काठमाडौंपरिसरले पहल सुरु गरेको हो । आर्थिक दैनिकबाट साभार

प्रतिकृया दिनुहोस्

फेसबुक र ट्विटर मार्फत हामीसंग जोड़िनुहोस

सम्बन्धित समाचार

धर्मलाई व्यापारको रुपमा नलिन आग्रह

ललितपुर महानगरपालिकाका उपमेयर गीता सत्यालले धर्मले मानिसलाई नैतिकवान् बन्न प्रेरित गर्ने उल्लेख गर्दै...

उद्यमका लागि साझेदारी विकास कार्यक्रममार्फत ऋण सहयोगा

नेपालगञ्ज उपमहानगरपालिकामा सञ्चालित साझेदारी विकास कार्यक्रममार्फत ११ वटा उद्यमी समूहलाई सहयोग गरिएको...

डिजेल चोरी प्रकरणः

नेपाल आयल निगम विराटनगर डिपोका लागि भारतीय आयल निगमबाट खरिद गरेर ल्याइएको डिजेल चोरी घटना दुई हप्ता बितिसक्दा...
सुलसुले अरु धेरै

कस्तो अरिंगाल बन्ने !

पछिल्लो समय फस्टाईरहेको विकृति, हत्या, वलत्कार, हिंसा , ठगी, भ्रष्ट्रचार विरुद्ध आवाज उठाउँदा त्यसको प्रतिकार...

परराष्ट्रमन्त्री मंगोलिया उडे

परराष्ट्रमन्त्री प्रदीप ज्ञवाली यहि जुन ११ र १२ तारिखमा मंगोलियाको उलानवाटरमा हुने विकासशील भुपरिवेष्ठित...

कांग्रेस सभापति देउवाको छोराको उपचारका लागी दिल्ली लगियो

कांग्रेस सभापति तथा पुर्व प्रधानमन्त्री शेर बहादुर देउवाको छोरा जयवीरशिंह देउवाको नाक भित्रको हड्डी बढेर...

सशस्त्र प्रहरीमा आपसी समन्वयको अभावमा अयोग्यले फाईदा लुट्दै

सशस्त्र प्रहरीमा आपसी समन्वयको अभावमा अयोग्यले फाईदा...

मोदीका राजनितिक सल्लाहकार सुटुक्क नेपालमा

भारतीय प्रधानमन्त्री नरेन्द्र मोदीका राजनितिक सल्लाहकार डा. रनजित राय सुुटुक्क नेपालमा आएका छन्...

सुलसुले समाचार

मंगलबार विहान काठमाडौ बाट लुक्लाको लागी उडेको सिता एयरको जहाज ईन्जिनको खराबीको कारण लुक्लामा अवतरण गर्न...

सम्पादकीय अरु धेरै

तामझामकोे जाम कहिलेसम्म व्यहोर्नुपर्ने !

संविधान सभाले बनाएको संविधानअनुसारको सरकारको पहिलो सरकारको नीति तथा कार्यक्रम वाचन गर्न जाँदा राष्ट्रपतिको जस्तो तामझाम र त्यसले जस्तो जाम गरायो त्यसदिन पीडित हरेकका मनमा यही प्रश्न उठेको हुनुपर्छ ।...

नीति प्रभावकारिताका अवरोधहरु

राज्यको इच्छालाई संस्थागत गर्ने काम सार्वजनिक नीतिले गर्दछ । संविधानद्वारा राज्यलाई निर्दिष्ट गरेका...

के सरकार यातायात व्यवसायीको सामु झुक्ने नै हो ?

नेपाल सरकारले सार्वजनिक सवारी साधन वा कालो प्लेटमा दर्ता भएका गाडीहरुमा नेपाल यातायात व्यवसायी राष्र्टिय...
आर्टून अरु धेरै
cartoon

भिडिओं अरु धेरै