logo

सभामुखको भ्रमण कति सान्दर्भिक ?

संंसद्सामु धेरै चुनौती छन् । गएको हप्ता दर्ता भएका राष्ट्रिय सभा गठन र राष्ट्रपतिको निर्वाचनसम्बन्धी कानुन बनेनन् भने संविधान कार्यान्वयनमा एउटा ठूलो अवरोध आउनेछ । यता संसद्को आयु झन्डै एक महिनामात्र बाँकी छ । अहिलेका सदस्यले उम्मेदवार मनोनयन गर्नासाथ यो संसद्को आयु सकिन्छ । यो भनेको कात्तिक ५ को कुरा हो । आयोगले पहिलो चरणको मनोनयन यसै दिनलाई तोकेको छ । तर यता यो जिम्मेवारीबाट पन्छिँदै सभामुख विदेश भ्रमणको तयारीमा जुटेका विवरणहरु आएका छन् । कार्यक्रमअनुसार सभामुखबाट असोज पहिलो साता चीन र तेस्रो सातादेखि श्रीलंका भ्रमण हुँदैछ । श्रीलंकापछि असोज २८ देखि अन्तरव्यवस्थापिका संघको बैठकमा भाग लिन रुसको भ्रमण हुँदैछ । असोज ३ गते संसद् दिवसका दिन सार्वजनिक बिदा हुने भए पनि सभामुखले भोलिपल्ट चीन भ्रमणमा जाने भएपछि सार्वजनिक बिदाकै दिन संसद् बैठक बोलाइएको अवस्था छ ।


यही बीचमा २ नम्बर प्रदेशमा २ गते स्थानीय तहको निर्वाचन र अन्य जिल्लाका सांसद् जिल्ला भ्रमणमा रहेकाले सभामुखले संविधान दिवसका दिन बैठक बोलाएको बताइएको छ । यो दिन भनेको जनमत संग्रहका रुपमा हेरिएको यो प्रदेशको चुनाव परिणाम आउन थाल्ने दिन हो । यसअघि कोरम नपुगेर बैठक स्थगन हुँदै आएका थुप्रै उदाहरण छन् जस्तो भदौ २३ गते एकै दिन तीनवटा बैठक राख्दा पनि कोरम नपुगेपछि सभामुखले असोज ३ गतेलाई सार्नुपरेको थियो । स्थानीय तह निर्वाचनका लागि मधेसमा रहेका सांसद् उपस्थित नभए ३ गते कोरम पुग्न कठिन छ । थारू आयोग, मुस्लिम आयोग गठनलगायत संघीयता कार्यान्वयनसम्बन्धी विधेयक संसद्मा कोरम नपुगेपछि भदौ २३ गते पारित हुन सकेका थिएनन् । त्यसमाथि अहिले अरु महत्वपूर्ण दुईवटा विधेयक थपिएका छन् जसलाई यो महिनाभित्र पारित गरिएन भने संविधान कार्यान्वयनमा बाधा पुग्छ । संसद्को आयु एक महिनामात्र बाँकी रहेका बेला राष्ट्रियसभा निर्वाचन, राष्ट्रपति/उपराष्ट्रपति निर्वाचन, कर्मचारी व्यवस्थापनलगायत महत्वपूर्ण विधेयक रात दिन नभनी पारित गर्नुपर्ने बेला सभामुखको यो भ्रमणले त्यसमा बाधा पुग्छ नै ।  चीनको कुन्मिङमा आयोजना हुन लागेको वन रोड वन बेल्ट कार्यक्रममा भाग लिन असोज ४ गते त्यसतर्फ प्रस्थान गर्ने कार्यक्रम देखियो । यो भनेको कार्यकारी तहबाट हुने काम हो । सभामुखको यसमा कुनै भूमिका हुँदैन ।


यही बीचमा दशैं प्रवेश भइसकेको छ । असोज ११ गते फूलपाती परेकाले दशैंअघि संसद्को काम खासै नहुने देखिन्छ । संविधान कार्यान्वयनसम्बन्धी विधेयक कसैले पनि अलपत्र पार्नु भनेको आपत्तियुक्त नै हो । यो भ्रमणको तुलानामा संसद्ले गर्नुपर्ने काम महत्वका हुन् । सभामुखबाट यसको ख्याल गरेको पाइएन् । संसद्मा हाल ३६ वटा विधेयक विचाराधीन छन् । रुपान्तरित संसद्को आयु नै समाप्त हुने भएकाले विचाराधीन विधेयक पारित नभए अर्को संसद्मा नसरेर तिनीहरूको अवस्था शून्यजस्तै हुनेछ । यस्तो बेला यो भ्रमण महत्वको हो कि संसद्को काम भन्ने सभामुखले निक्र्योल गर्नैपर्छ । आर्थिक दैनिक सम्पादकीय


Comment from facebook

सुलसुले अरु धेरै

ग्यासको मुल्य बढाउन आन्दोलनको तयारी

ग्यास सिलिण्डरको मुल्य बढाउन...

एयरपोर्टमा डलर पक्राउ

काठमाडौँ, असोज २९ । शनिबार FZ576 को उडानबाट दुवै जान...

ज्ञानेन्द्र स्वादेश फिर्ता

काठमाडौं, असोज २९ । फर्किने मिति एकहप्ता सारेर...

शिव शंकर किन आए ?

गत शनिबार काठमाडौँ आएर होटल -याडिशनको २६१ नं. कोठामा बसेका नेपालका लागि...

ड्रयागन एयरमा सुलसुले

बुधबार राति पौने १२ वजे ड्रयागन एयरबाट काठमाडौं आएका...

भारतीय राजदूतको सुलसुलेः

भारतीय राजदूत सोमबार विहान एयर इन्डियाबाट काठमाडौं आएर दिउँसो...

सम्पादकीय अरु धेरै

बैंकहरुको भौतिक उपस्थिति मात्र सबै कुरा होइन

नेपाल अहिले संघीय गणतन्त्रमा गएको छ । सोहीअनुसार नेपालमा सात सय ५३ स्थानीय निकाय गठन भएका छन् । राष्ट्र बैंकका केही उच्च अधिकारीरुले यसै साता एउटा सार्वजनिक...

चियाखेतीमा एक दशकको उत्पादन र निर्यात स्थिति

विश्वनाथ खरेल । चिया विश्वमा पानीपछि सबैभन्दा बढी प्रयोग हुने पेयपदार्थ हो । यसरी चियाको प्रयोग इ.पू. २७३७ देखि...
मनोरञ्जन / साहित्य अरु धेरै

१९ वर्षे युवकको ९० वर्षे रुप

बुटवल । भनिन्छ, कला कहिल्यै मर्दैन । तर हाम्रो समाजमा त्यस्ता कला पनि छन् जुन कलाले स्थान पाउन नसकेर त्यतिकै...

गाईपालक किसानको सम्झनामा बिपी

“बिपीलाई सधैँ गाईकै दूध चाहिन्थ्यो, गाईले दूध नदिँदा म भैँसीको दूध लगिदिन्थेँ, तर बिपीले भैँसीको दूध थाहा पाएर...
आर्टून अरु धेरै
news

भिडिओं अरु धेरै